Virkisøkini hjá Akstovuni eru: Akfarseftirlit, skráseting og eigaraskifti av akførum, koyriroyndir og útgáva av koyrikortinum, innkrevjing av skrásetingargjøldum og vegskatti.

Almanna- og mentamálaráðið er fyrisiting hjá landsstýriskvinnuni í almanna- og mentamálum. Stjórnarráðið umsitur m.a. almannamál, eldramál, ítróttarmál, javnstøðumál, loftmiðlamál, kirkjumál og mentamál.

Vit vilja gera mun við bestu og mest framkomnu sosialu tænastunum.

mánadag til hósdag frá 10 til 15

Búnaðarstovan fyristur alla almenna jørð, ið ikki verður fyrisitin av ella er skrásett sum ogn hjá øðrum almennum stovnum, herundir kommununum. Virksemið á Búnaðarstovuni fevnir eisini um landbúnaðarroyndir, landbúnaðarráðgeving og fyrisiting av stuðulsveitingum til føroyska landbúnaðin.

Fiskiveiðieftirlitið er ein deild undir Vørn.

Gjaldstovan er stovnur undir Fíggjarmálaráðnum, sum umsitur KT Landsins, Búskaparskipan Landsins, Keyp Landsins, landsins roknskaparverk, bókhald og løn, KT Trygd og Talgildu Føroyar. Brúkaratænastan hjá Talgildu Føroyum hevur telefon 1881. Gjaldstovan heldur til í Albert Hall á Argjum.

Føroya Kærustovnur er ein sjálvstøðugur kærumyndugleiki fyri fyrisitingarligar avgerðir, tá tað er ásett í løgtingslóg ella við heimild í løgtingslóg. Harumframt tekur Føroya Kærustovnur avgerðir í málum, tá ið tað er ásett í løgtingslóg.

Løgmansskrivstovan er fyrisiting løgmans. Stevnumið Løgmansskrivstovunnar er at fremja mál løgmans og at samskipa fyrisitingina, so at politikkur landsins verður útintur á fullgóðan og lógligan hátt, og so at øllum verður tryggjað ein holl og reiðilig tænasta.

Biskupurin er ovasti kirkjuligi myndugleikin í fólkakirkjuni. Biskupur er formaður í Føroya Stiftsstjórn. Hann hevur eftirlitið við prestunum og kirkjuráðunum í stiftinum.

Gigni – Heilsufrøði til børn & ung, er ætlað øllum barnafamiljum í Føroyum. Stovnurin veitir heilsufrøðiliga tænastu til smábarnafamiljur eins og til skúlabørn/tannáringar.

Hagstovan tekur pulsin á føroyska samfelagnum og hevur hagfrøðiligu vitanina um fólk, samfelag, vinnu, búskap og umhvørvi í Føroyum. Hagtøl geva innlit og vitan til avgerðir, gransking og kjak, og eru ein týðandi lutur í einum framkomnum fólkaræðisligum samfelagi.

Heilsutrygd er stovnur, ið avgreiðir tær uppgávur, ið áður lógu hjá teimum 11 sjúkrakassunum kring landið. Harumframt hevur stovnurin yvirtikið partar av umsitingarligu uppgávunum hjá Almannastovuni í sambandi við broytingar í heilivágstilskotsskipanini og viðvíkjandi hjálparráðum.

Umboðsmaðurin hevur eftirlit við almennu umsitingini og viðger klagur frá borgarum. Umboðsmaðurin hevur serligt eftirlit við viðurskiftini hjá børnum og ungum.

MRCC og Tórshavnradio er ein deild undir Vørn.

Norrønt Atlantssamstarv (NORA) er eitt millumtjóða samstarv undir Norðurlendska Ráðharraráðnum. Landafrøðiliga fevnir samstarvið um Grønland, Ísland, Føroyar og Stranda-Noreg. NORA stuðlar samstarvsverkætlanum har persónar, fyritøkur, stovnar og myndugleikar í londunum kunnu søkja um stuðul.

Norðurlandahúsið er eitt mentanarhús, sum húsar nógvum ymiskum tiltøkum. Til ber at leiga høli til ráðstevnur, fundir og móttøkur. Í Smakka kanst tú njóta góðan mat og lesa bløðini.

SALT, Sound Art & live Theatre, er eitt mentanarhús, ið fatar um tónleik, sjónleik, list og nógv ymisk tiltøk. Til ber at leiga húsið til ráðstevnur, fundir, móttøkur, framførslur og annað.

mánadag til hósdag frá 10 til 12

Talgildu Føroyar eru partur av Gjaldstovuni. Vit arbeiða við at menna talgildar loysnir til allar føroyingar. Vit reka Samleikan, Vangan, Minboks og Heldina.

Virkisøkini hjá Umhvørvisstovuni eru: umhvørvisvernd og gransking, orkumál og el-veitingareftirlit, skógrøkt og gróðurstøð, landkort og geodátur, matrikul, tinglýsing, fólkayvirlit, navnamál, vápnaskráseting og vápnaprógv og adressur.

Veðurstova Føroya – Faroese Meteorological Office (FMO)

Vinnuframi er ein grunnur, sum stuðlar vinnuni í avmarkaðan mun. Til ber at søkja um stuðul til íverksetan, ráðgeving, menning og sølu.

Yrkisdepilin umsitur føroysku yrkisútbúgvingarnar og er í hesum høpi bindilið millum løntakarar, arbeiðsgevarar, útbúgvingarstovnar og Mentamálaráðið. Vit veita vegleiðing til teirra, ið ynskja at gerast lærlingar ella eru í læru, til læruplássini og til myndugleikar.